ERON VA ARAB DAVLATLARINING MARKAZIY OSIYODAGI MANFAATLARI TUTASHUVI: GEOSIYOSIY RAQOBAT VA MINTAQAVIY RIVOJLANISH ISTIQBOLLARI
Keywords:
Kalit so‘zlar: Eron, Markaziy Osiyo, Arab davlatlari, O‘zbekiston, geosiyosat, geoiqtisodiyot, strategik avtonomiya, transport diplomatiyasi, Chabahar, Fors ko‘rfazi, mintaqaviy xavfsizlik, Afg‘oniston.Abstract
Mazkur maqolada Eron va Arab davlatlarining Markaziy Osiyoga nisbatan shakllanayotgan geosiyosiy va geoiqtisodiy manfaatlari qiyosiy hamda tizimli tahlil qilinadi. Tadqiqotning asosiy e’tibori Eron, Fors ko‘rfazi Arab davlatlari va Markaziy Osiyo o‘rtasidagi o‘zaro munosabatlarning an’anaviy “raqobat” paradigmasidan tashqariga chiqib, manfaatlarning tutashuvi, o‘zaro bog‘liqlik va mintaqaviy rivojlanish nuqtayi nazaridan o‘rganilishiga qaratiladi. Eronning geografik yaqinligi, transport-tranzit imkoniyatlari, Chabahar porti va Afg‘oniston masalasidagi manfaatlari Markaziy Osiyo uchun strategik ahamiyatga ega bo‘lsa, Saudiya Arabistoni, Birlashgan Arab Amirliklari, Qatar, Quvayt va boshqa Arab davlatlarining investitsiya, energetika, infratuzilma va iqtisodiy diplomatiyasi mintaqaning tashqi iqtisodiy imkoniyatlarini kengaytirmoqda.
