BUDJET TASHKILOTLARIDA MOLIYAVIY NATIJALAR HISOBINI BUDJET HISOBI STANDARTLARI ASOSIDA TAKOMILLASHTIRISH

Аннотация

Budjet tashkilotlarida moliyaviy natijalar hisobini to‘g‘ri yuritish davlat mablag‘laridan maqsadli va samarali foydalanishni ta’minlashning asosiy shartlaridan biridir. Budjet tashkilotining moliyaviy natijasi tijorat korxonalaridagi foyda yoki zarar ko‘rsatkichidan mazmunan farq qiladi. U hisobot davrida budjet mablag‘lari, rivojlantirish jamg‘armasi va boshqa manbalar bo‘yicha hisoblangan daromadlar hamda haqiqiy xarajatlarning belgilangan schyotlarda umumlashtirilishi va yakunlanishini ifodalaydi. Shu sababli mazkur ko‘rsatkich mablag‘larning maqsadli sarflanishi, xarajatlar smetasining bajarilishi, aktiv va majburiyatlarning to‘liq tan olinishi hamda moliyaviy hisobotlarning ishonchliligini baholashga xizmat qiladi.