BUDJET TASHKILOTLARIDA ASOSIY VOSITALAR HISOBI VA ICHKI AUDITINI TAKOMILLASHTIRISH

Annotatsiya

Iqtisodiyotni modernizatsiya qilish va davlat moliyasini boshqarish samaradorligini oshirish sharoitida budjet tashkilotlarining moliyaviy-xo‘jalik faoliyatini to‘g‘ri tashkil etish alohida ahamiyat kasb etadi. Budjet tashkilotlari faoliyatining moddiy asosini tashkil qiluvchi aktivlarning katta qismini asosiy vositalar tashkil etadi. Binolar, inshootlar, transport vositalari, mashina va uskunalar, kompyuter va axborot texnologiyalari vositalari, mebel va boshqa uzoq muddat foydalaniladigan aktivlar tashkilot zimmasiga yuklatilgan vazifalarning bajarilishida bevosita ishtirok etadi.