ABU RAYHON BERUNIYNING “KITOB AS-SAYDANA FI-T-TIB” ASARI ASOSIDA FARMAKOGNOZIYA FANINI RIVOJLANTIRISHGA QOʻSHGAN HISSASI

Abstract

Mazkur ilmiy maqola oʻrta asr qomusiy olimi Abu Rayhon Beruniyning farmakognoziya fanining shakllanishi va rivojlanishiga qoʻshgan buyuk hissasiga bagʻishlangan. Olimning “Kitob as-saydana fi-t-tib” (“Doridorlik haqida kitob”) asari dorivor moddalarni oʻrganishning oʻziga xos uslubiyatini yaratib, ularning nomlanishi, kelib chiqish manbai, sifat mezonlari va qoʻllanilish xususiyatlarini har tomonlama yoritib bergan. Beruniy tomonidan toʻplangan ilmiy maʻlumotlar bugungi kunda ham farmakognoziya, botanika va mineralogiya fanlari uchun qimmatli manba boʻlib xizmat qilmoqda. Uning boy ilmiy merosini chuqur oʻrganish zamonaviy dorishunoslik tarixini toʻgʻri anglash uchun muhim ahamiyat kasb etadi.