INKLYUZIV TA’LIMNING RIVOJLANISH BOSQICHLARI

Аннотация

Ushbu maqolada inklyuziv ta’limning shakllanishi va rivojlanish bosqichlari, uning tarixiy-pedagogik asoslari hamda zamonaviy ta’lim tizimidagi ahamiyati yoritilgan. Inklyuziv ta’limning dastlabki segregatsiya va alohida ta’lim shakllaridan boshlab, integratsiya va zamonaviy inklyuziya modeligacha bo‘lgan rivojlanish jarayoni tahlil qilingan. Shuningdek, alohida ta’lim ehtiyojlariga ega bo‘lgan bolalarning ta’lim olish huquqini ta’minlash, ularni jamiyatga ijtimoiy moslashtirish va teng ta’lim imkoniyatlarini yaratish masalalariga e’tibor qaratilgan. Maqolada inklyuziv ta’limni rivojlantirishda xalqaro huquqiy-me’yoriy hujjatlar, pedagogik yondashuvlar va zamonaviy ta’lim texnologiyalarining o‘rni ko‘rsatib berilgan. O‘zbekistonda inklyuziv ta’limni rivojlantirishning zamonaviy yo‘nalishlari ham tahlil qilinib, ta’lim muassasalarida inklyuziv muhitni shakllantirish bo‘yicha xulosalar va tavsiyalar ishlab chiqilgan.